Welsh Journals

YR ATHRAW. AWST, 1867. Holiad. Pa'm na ddoech chwi, E—, i'r Ysgol Sabbothol megys cynt? Esgus. Yr wyf fi eisioes yn gystal darllenwr â'r goreu sydd acw, a gwell na'r rhan fwyaf. Ateb. Pa'm na ddoech i ddysgu eraill, ynte? Gan mai yn yr Ysgol Sabbothol y dysgasoch ddarllen eich hun, onid ydych dan ddyled i wneyd eich rhan dros y rhai ag ydynt yn awr yn yr un cyflwr o anwybodaeth ag y buoch eich hunan ynddo? H. Pa'm na ddoech chwi, M—, i'r Ysgol ? E. Nid wyf fi yn medru darllen, ac y mae cywilydd arnaf fi i feddwl bod yn nosparth y plant bach. A. Wel: peth tipyn yn chwith yw gweled lodes fawr fel chwi gyda'r rhai bach; ond nid oes dim help. Gwell hwyr na hwyrach. Cofiwch: mwy o lawer o gywilydd yw i chwi fod heb fedru darllen, na'ch bod i'ch gweled yn dysgu sillebu gyda phlant haner eich oedran. Ac fe aiff y cywilydd yn fwy o hyd i chwi o gadw ym mlaen yn eich tywyllwch, tra y symudech ef ymaith yn raddol wrth benderfyniad, doed a ddelo, i fýnu dysgu darllen. Mae Uawer, oes, llawer o'ch cenedl eich hun, y Cymry, wedi dysgu darllen eu Beiblau pan yn haner cant a thriugain mlwydd oed. Dysgent sillebu'r geiriau â'r gwydrau ar eu llygaid. Ond, O! y fath lawenydd oedd ganddynt! mor ysgawn y teimlent eu hysprydoedd am eu bod wedi ymdrechu ac wedi gorthrechu y rhwystrau ar eu ffordd. H. Atolwg, Mr. H—, un o fy nghymydogion goreu, beth all fod yn rhwystro dyn call a chyfrifol fel chwi rhag ein cynorthwyo gyda'r Ysgol? CYP. II. Y