POEN Ni welodd neb boen erioed, dim ond ei gryndod ar gnawd, a'i ôl wedi'r elo ni thynnwyd ei lun gan un arlunydd, nis gwelwyd drwy'r pelydr x; erys mor anweledig â'r gwynt a'i drywydd yn ddiriaeth. Cei ddarllen ei neges ar femrwn y croen, cei ddilyn ei helfa drwy fforest y nerfau, a chanfod ei goncwest yng ngwayw'r llygad ond nis gweli na'i adnabod. Ti a glywi ei gri sy'n utgorn yr Heliwr a rylbuddia'r cnawd methedig, a rhoi siawns dianc rhag helgwn angau. Pan fo'n sodli dy einioes daw balm o dosturi, eithr erys y blinder, cans ni all yr iach wrth droed y gwely gyd-ddioddef, ac ni all gwaed na dychymyg bontio'r bwlch na chario'r baich, dim ond edmygu'r gwroldeb a goncra'r cancr a'i droi yn berl. R. BRYN WnxiAMs.